بص يا سيدي أحب الأول أقولك على الطريق من الأول :
طبعاً طلب اللجوء : أساسه هو التعرض لك ( دولة ، جماعة ، أي كان .... ) بسبب ( أرائك ، ديانتك ، شكلك ، مرضك .....إلخ ).
يعني كل أقوالك ، مستنداتك و أي شيء يخص قضيتك هيقع تحت بند الطلب إلي إنته قايل إنك مضطهد في بلدك على أساسه.
هنقول إنك وصلت لبلد ما!!!، تقدمت للسلطات بطلب للجوء ، طبعاً مش هيسألوا سعادتك تحب اللجوء يكون إيه؟؟؟، تصنيف الطلب بيقع على السلطات.
بيتم عمل تحقيق مبدئي ، بتقول فيه :
- أسباب التقدم باللجوء
- كيفية دخولك البلد ( شرعي ، تهريب )
- في حالة ، دخولك البلد شرعي ، بتقدم جواز السفر ( يكون عليه تأشيرة البلد الي مقدم فيها اللجوء ).
- في حالة ، دخولك البلد غير شرعي ، فده ليه مجموعة من الأسئلة ( مثال ):
- طريقة الدخول للبلد ( وصف الرحلة )
- كيف تم تهريبك ن حتى وصلت إلى هذه البلد
- الدول إلي مريت بها ............إلخ
( نصيحة ) : مش عشان المترجم ودود معاك بقى أهل ثقة ، ياخد كلامك و يديه للظابط إلي إنته مش فاهمه و يضحك في وشك و الجو شاعري ، تخلص التحقيق تروح ماضي عليه و خلاص.
( قانوناً ) : ياإما إنت بترفض التدقيق مرة تانية في التحقيق إلي حصل معاك
ياإما بتوافق إنه يتم التدقيق ، في الحالة ديه ، المترجم يقراء عليك ماهو مكتوب في التحقيق مرة تانية ، و لو مش فاهم حاجة أو فيه كلام مش عاجبك من حقك تقول مقولتش الكلام ده ، صحح كل حاجة في التحقيق ده ، لإنه بداية الطريق لصحة كلامك.
متخرجش من مكان التحقيق ، غير لما تكون راضي تماماً عن إلي مكتوب ، ميضحكش عليك أي حد و يقولك بعدين إبقى صلح ، لسه عندك وقت!!!!، مفيش الكلام ده، متخرجش من مكانك غير لما تبقى راضي 100 في ال1000.
في هذا التحقيق ، مش هيدوك نسخة من التحقيق ، عشان كده بكررها للمليون متخرجش من مكان التحقيق غير لما تخلي المترجم يراجع معاك كل كلمة، إن شاءالله تبات ، لو المترجم هدد بالإنتحار سيبه ينتحر و إنت متسبش المكان!!!.
بعد كده هياخدوا بصمتك ( للتأكد من عدم وجودك في دولة إوروبية قبل المجيء لهم ) ، إنك قدمت لجوء في دولة إخرى أو ليك سجل إجرامي و يصوروك .
هيدوك بطاقة هوية ( إوروبا ، لونها أخضر )، فيها صورتك و بياناتك ( إسمك ، تاريخ الميلاد ، تاريخ دخولك المعسكر، جنسيتك و رقم البطاقة ( إلي هيكون رقم ملف قضيتك ).
هياخدك أحد موظفين معسكر إستقبال طالبي اللجوء ، يديك شنطة صغيرة :
- معجون سنان
- صابونة
- غيارات للسرير
- مرتبة
- غطا
- فرشة سنان
- اليلة الإولى ، هتقضيها في عنبر ، ممكن يكون العدد قليل فيه ( حسب عدد مقدمين طلبات اللجوء اليوم ).
- تاني يوم ، هيتم عمل كشف طبي سريع ، و أشعة سريعة ( يتأكدوا إنك خالي من الأمراض ) ، بعض التطعيمات المطلوبة ( هيديك دفتر به أنواع التطعيم إلي أخدته ، مختوم من الدكتور و التاريخ ) مهم لإننه في حالة يجب تكرار التطعيم بعد فترة يكون باين التاريخ ، لو حصل أي نواحي جانبية بعد فترة يكون معروف إيه أخر تطعيمات حصلت عليها.
- هياخدك مسؤول من المعسكر ، يوريك العنبر إلي هتقيم فيه ، و في الأغلب بيحطوك مع ناس جايين من بلدك ، أو بيتكلموا نفس اللغة ( إن وجد ).
- يتم تعريفك بقوانين المعسكر ، أماكن الطعام ، اوقات الأكل و النوم ، أماكن الترفيه.
بيوفروا لك ( وكيل قانوني ) و مترجم ،
الوكيل القانوني :
سواء الإتنين فمفيش خوف ، لإن الإتنين الدولة معترفة بيهم.
بالنسبة للتكاليف :
تتحمل الدولة كافة المصاريف الخاصة بالمحقق ، الوكيل القانوني ، المترجم و الإنتقالات ( لو تطلب الأمر )، على أساس ( قانون المساعدة القضائية ) لإنك شخص ملكش دخل أو دخلك قليل.
من حقك رفض الوكيل القانوني المكلف من الدولة ، و طلب وكيل قانوني ( حد أرشدك ليه ، جيبته من على الإنترنت ) و أنت إلي بتتحمل تكاليفه كاملة ( كتابة مذكرات ، إنتقالات ، كتابة المعارضة و ...... إلخ).
لكن لو الوكيل القانوني إلي الدولة معيناه ( حاسس إنه غير أمين ، فيه خلافات معاه....إلخ )، بس مش قصة وشه مش عاجب سعادتك!!!!، بتطلب تغيره ، و في الحالة ديه مفيش تكاليف بتقع عليك ( بما إنه من الدولة )،
لكن مثلاً جه واحد ( من ديانة إخرى ( مسيحي و إنت عاوز مسلم ، مسلم و إنت عاوز مسيحي)، بتتقدم بطلب للتغير و لكن السؤال المهم إلي بيتوجه ليك ( هل أهمل واجبه أو تصرف بطريقة غير ملائمة؟؟؟) ، في حالة قلت لاء ، بيرفض طلب التغير.
و بعدين بينظروا لتغير الوكيل القانون على إنه تكلفة زيادة ، فلازم السبب يكون قوي عشان يتحملوا التكلفة الزيادة.
يتم تحديد موعد للمقابلة ، إلي فيها هيكون فيها محققك يسألك عن كل التفصيلات ( إلي فهمها من محضر دخولك الأول ).
موعد المقابلة ، بيكون كتابي ، يعني:
الوكيل القانوني :
- بيكون محامي متخرج من كلية الحقوق.
- شخص متمرس على أنواع قضايا اللجوء و ملم بقوانينها و أعرافها ، و بيقولوا إنه محامي.
سواء الإتنين فمفيش خوف ، لإن الإتنين الدولة معترفة بيهم.
بالنسبة للتكاليف :
تتحمل الدولة كافة المصاريف الخاصة بالمحقق ، الوكيل القانوني ، المترجم و الإنتقالات ( لو تطلب الأمر )، على أساس ( قانون المساعدة القضائية ) لإنك شخص ملكش دخل أو دخلك قليل.
من حقك رفض الوكيل القانوني المكلف من الدولة ، و طلب وكيل قانوني ( حد أرشدك ليه ، جيبته من على الإنترنت ) و أنت إلي بتتحمل تكاليفه كاملة ( كتابة مذكرات ، إنتقالات ، كتابة المعارضة و ...... إلخ).
لكن لو الوكيل القانوني إلي الدولة معيناه ( حاسس إنه غير أمين ، فيه خلافات معاه....إلخ )، بس مش قصة وشه مش عاجب سعادتك!!!!، بتطلب تغيره ، و في الحالة ديه مفيش تكاليف بتقع عليك ( بما إنه من الدولة )،
لكن مثلاً جه واحد ( من ديانة إخرى ( مسيحي و إنت عاوز مسلم ، مسلم و إنت عاوز مسيحي)، بتتقدم بطلب للتغير و لكن السؤال المهم إلي بيتوجه ليك ( هل أهمل واجبه أو تصرف بطريقة غير ملائمة؟؟؟) ، في حالة قلت لاء ، بيرفض طلب التغير.
و بعدين بينظروا لتغير الوكيل القانون على إنه تكلفة زيادة ، فلازم السبب يكون قوي عشان يتحملوا التكلفة الزيادة.
يتم تحديد موعد للمقابلة ، إلي فيها هيكون فيها محققك يسألك عن كل التفصيلات ( إلي فهمها من محضر دخولك الأول ).
موعد المقابلة ، بيكون كتابي ، يعني:
- فيه المكان ( لو فيه إنتقال، بيتكفلوا بيه )
- الزمان
- قواعد عامة
- حقوقك في المقابلة ( تختلف من دولة لإخرى ، لكن في النهاية واحدة ).
في اليوم المحدد ، بتكون في الميعاد و المكان :
- لبسك عادي
- هادي
- نايم كويس
- مفيش توتر
- واثق من كلامك
- مستنداتك ، أوراقك معاك بالكامل
هتلاقي الوكيل القانوني في إنتظارك و معاه المترجم الخاص بك ( بالنسبة للوكيل القانوني ، لازم و لابد يكون معاك ).
بالنسبة لبداية جلسة التحقيق ، المحقق هيسأل شوية أسئلة عادية ( مثال)،
- إسمك ، سنك ، عنوانك
- المراحل الدراسية
- جنسيتك
- عائلتك
هيسألك ( بتفهم المترجم؟؟؟، المترجم فاهمك ؟؟؟)
بالنسبة للمترجم :
- المترجم شخص محلف
- يقوم بواجبه فقط
- لا يقدم النصائح القانونية
- لا يساعد على تبديل الكلام
أما في حالة عكس ذلك :
- المترجم حب يقولك نحط كذا و متقولش كذا ( تبلغ على طول المحقق و وكيلك القانوني ).
- هددك ( تبلغ المحقق على طول و وكيلك القانوني ).
- قدملك نصايح ( لاء ).
- بدل في الكلام ( مش من حقه ، تبلغ المحقق فوراً ، لو المحقق سدد الطرشة إوقف التحقيق ).
خد بالك، لو مفيش أي إعتراض على المترجم ، فأي كلمة بتطلع من بق المترجم للمحقق هي كلامك إنت!!!، فلازم تشوف و تسمع كويس.
مفيش حد في جلسة التحقيق من حقه الكلام غير إنت ، الحقق و المترجم.
بالنسبة للوكيل القانوني ، فحضوره ( ضروري ) لمراعاة عدم تعرضك للضغط ، الأذى ، المحقق تمادى في أسئلة مش من حقه ، المترجم طلع مجنون ............إلخ.
في النهاية ، يتم مراجعة التحقيق بالكامل مع المترجم ، زاي ما قلت قبل كده متسبش المكان غير و إنت راضي على كل كلمة ، حتى لو غيرت التحقيق بالكامل ، متسبش المكان غير لما تكون راضيييييييييييييييييييييييييييييييييييييي تماماً ( لازم تعرف إن نسبة كبيرة من الإيجاب أو الرفض بتقع في كلامك )
المحقق عنصري ، مش عنصري ، من كلامك هيخرب القضية و يشركها ، فعشان كده كل تحقيق يتم معاك لازم في النهاية تدقق في كل كلمة ، و مفيش كلمة ( بما معناها )، الكلمة يإما هي كده يا مفيش، مثال ( مهدد بالقتل ) متجيش أبداً ( يمكن التعرض للقتل ) ، ( يمكن ) تشقلب القضية بالكامل ، يعني ( ممكن تتقتل و ممكن لاء ، أما مهدد بالقتل ، يعني هموووووووووووووووووت ).
بعد التأكد من كلامك و خلاص غيرت إلي مش عاجبك ، هيدوك نسخة من التحقيق ، ولو المحقق إقتنع بقضيتك ، هيتم منحك كارت هوية ( لونه أبيض ، بكافة بيانات الكارت الأخضر ).
مش معنى إنك حصلت على الكارت الأبيض ، إنهم وافقوا على القضية ( لاء )، هما وافقوا على دراسة قضيتك ( إعتبروها قضيتك تستحق التدقيق كقضية لجوء ).
بالنسبة للكارت الأبيض ، بيمنحك حرية أكتر من الكارت الأخضر ، في حالة الكارت الأبيض :
- من حقك الخروج خارج المعسكر
- التمشية في المدينة
- يعني تشم نفسك شوية
- بيعتبر الكارت الأبيض ، منحك إقامة لحين البت في قضيتك
- بيبقى فيه تفتيش ، بس بيعلنوا عنه قبليها ب 24 ساعة
- لازم تكون متواجد بعنبرك .
- مظبط سريرك
- الكارت ( الأبيض أو الأخضر ) معاك.
بالنسبة للكارت الأخضر ، لإنك كده كده قاعد في المعسكر مش هيفوتك التفتيش!!!.
في حالة سعادتك مبلغتش بتغيبك عن التفتيش ، ففي هذه الحالة تعتبر هارب من المعسكر، و لما ترجع هيحققوا معاك و ممكن تعدي،
لكن إذا إتكررت ، فيتم طردك من المعسكر بشكل نهائي، و هتنام بعد كده في الشوارع ، ووريني أنهيه عنوان هيرسلوك عليه.
بعد مدة ( غير معروفة ) ، يتم نقلك إلى أماكن الإستقبال :
عبارة عن بنسيون ، بيكون دايماً في حتت محدوفة ( أماكن الإستقبال بالعواصم بتكون لحالات معينة ).
بالنسبة للبانسيونات :
- شامل الإقامة و الوجبات و مصروف جيب ( صغير )
- شامل الإقامة بس ( يتم دفع تمن الوجبات ، بالإضافة لمصروف الجيب ).
- يدفع لك الإنتقالات الطارئة ( دكتور ، أشعة ، نفسي .... إلخ )
- عاوز تتفسح على حسابك الشخصي
- عاوز تروح تصلي ( على حسابك الشخصي ) أو صلي في المكان.
- عاوز تروح تجيب أكل ( على حسابك الشخصي )
لكن ، أكيد مش هيسمحوا إنك تروح تأجر مكان ب 1000 يورو مثلاً.
يعني مثلاً ، في ألمانيا يتم منحك 320 يورو شهرياً ، لتغطية الإيجار، المعيشة ، الإنتقالات و مصروف الجيب.
لو لوحدك ، إبقى قولي مكفينك إزاي؟؟؟.
إنما ممكن تشوف مجموعة تشترك معاها في السكن، و يبقى تحمل مصاريف الإيجار معقولة، يعني ( مثال ) شقة إيجارها 600 يورو على أربع أفراد يبقى 150 يورو و الباقي يقضوا تعيش بيهم.
في حالة إقامتك في البنسيون ، الدولة كده كده عندها عنوانك ، لكن في حالة السكن في سكن خاص بتبلغ وكيلك القانوني بعنوان سكنك و هو بيبلغ السلطات.
في حالة إنك مبلغتش بعنوانك ، يعني مفيش مراسلات ، يعني مش هتعرف قضيتك إمتى ، يعني مش هتعرف الحكم الصادر على قضيتك و يعني مشاكل و ترحيل.
حاول في الفترة ديه ، تكون بعيد كل البعد عن المشاكل ( أي كان نوعها ) ، حاول تتعلم اللغة ، حاول تعمل علاقات ، الإنضمام مثلاً للهلال الأحمر ، يعني حاول تستفيد من الوقت بشكل إيجابي.
في حالة بداية تعلمك للغة ، أو إنضمامك لإحدى الجامعات ( تكملة دراسة ، معادلة شهادات ) ، بتقول للدولة ( أنا شخص إيجابي ممكن الدولة تستفاد بيا ) ، يعني ممكن تكون مفيد ليهم ( يساعد في قضيتك ).
إبعد بقدر الإمكان عن الشغل الإسود ، مش معنى معاك إقامة من حقك تشتغل ، لاء سعادتك ديه إقامة إلى أن يحدد مصيرك.
بعد فترة ( غير معلومة ) ، هيوصلك جواب بتحديد ميعاد لجلستك الكبرى ، الجواب بيكون فيه الميعاد ، المكان ( لو إنت في البنسيون ، بيتحملوا إنتقلاتك ، لو إنت في سكن خاص ، بعد مابتروح بيصرفولك مصاريف الإنتقالات).
بتتقابل مع وكيلك القانوني ، بيفهمك أوجه القوة في قضيتك و أوجه السوالب ( عشان كده وجود وكيل قانوني ، ضرووووووووووووووووري جداً ) ، بتتفقوا على الأقوال ، هو بيفهمك بعض النقط.
يوم المقابلة ، نفس إلي قولتهولك قبل المقابلة التانية ، بتروح عادي ، معاك أوراقك كاملة ( هتقول هما معاهم كل أوراقي ، خدها برضوه يمكن تحتاج حاجة!!!).
المرة ديه هتختلف عن إلي فاتت ، إنها جلسة تحديد مصير .
هتلاقي المحقق ، وكيلك القانوني و المترجم.
برضوه بالنسبة للمترجم ( نفس إلي قلته في المقابلة التانية )، أي حاجة تحصل منه ، على طول تبلغ المحقق و الوكيل القانوني.
بعد ما تخلص ، تراجع و تدقق في الأقوال ، تغير ما يجب تغييره ، و هيدوك نسخة من التحقيق.
الرد ، ملهوش مدة محددة يعني ممكن من ( شهر إلى مفتوح المدة ).
حط في إعتبارك إنك عملت إلي عليك و الباقي على الله ، بما إنك لم تقسر في شيء.
كمل في تعليم اللغة ، بناء علاقات ، الإنضمام لجمعيات حقوق الإنسان ، الصليب الأحمر ، الهلال الأخضر ، مش مشكلة ، لغاية لما ييجي الرد و بالتوفيق بإذن الله.