بعتذر جدا ليكم على غيابي الطويل لظروف صحية , و بإذن الله هبتدي الرد على الميلات تباعا
تعتبر من أحسن الطرق للحصول على الإقامة و لكن إجرائتها ساعات بتطول.
نبتدي على بركة الله ....
بص يا سيدي بصي يا سيتي ،،،،،
الجواز بفلوس سهل و موجود ، و دول إوروبية كتير بتحاول إنها تكتشف الجواز ده بفلوس و لا جواز حقيقي ، و ساعات كتيرة متقدرش تثبت ده!!!!!.
حتى لو كان بوليس الأجانب متأكد مليون المية إن الجوازة ديه عشان الورق ، بس مفيش إثبات!!!!.
أولاً :
التحذيرات و العواقب .........
1- الجواز بفلوس ، غير قانوني .
2- في حالة النصب ، متقدرش تروح للبوليس و تبلغ!!!.
3- في حالة إكتشاف الموضوع ، الطرفين بيتعرضوا للمحاكمة و العقوبة ، و الطرف الأجنبي يرحل.
5- في حالة الترحيل ، بيتم وضع الإسم المرحل على قوائم المنع، منع 5 سنين ، أو منع نهائي.
6- الجواز الغير قانوني ( في حالة إكتشافه ) ، بيوضع في ملفك حالة تزوير، يعني ساعة لما تحب تتطلع صحيفة حالة جنائية في الدولة إلي ساعدتك فيها بتظهر، يعني مفيش شغل ، مفيش حاجات كتيرة!!!.
7- في حالة الترحيل و رجوعك لبلدك ، حبيت تقدم على تأشيرة دخول ( إتحاد إوروبي ) ، طبعاً الرفض نصيبك الأكبر.
لإن دلوقتي وحدوا الكمبيوتر بتاع البوليس على مستوى الإتحاد ، و بيتم تحديثه بإستمرار.
بالنسبة للولايات المتحدة و كندا ، بيكون ترحيل و منع نهائي أو منع 5 سنين ، و طبعاً السفارات على مستوى العالم عندها المعلومات.
ثانياً :
إلي هقوله مش كلام نازل من السما ، يعني إنتم فيكم دماغ ، تشوفوا و تسألوا و تنظموا حياتكم بناء على الدولة إلي سعادتكم فيها، و قوانينها، و كل الأتي ده بالنسبة للناس إلي مقدمة لجوء و تم الرفض ، الطلبة إلي عاوز يغير إقامته ، يعني من النهاية الأشخاص إلي موجودين في بلد ما بشكل شرعي و طبيعي.
( بالنسبة للجواز للأشخاص إلي بتم في بلادهم العربية ، و الكاسرين الإقامة هعمل ليهم موضوع منفصل ).
ثالثاً :
الكلام بشكل عام ، عن ما سماعته من الناس إلي جربوا الجواز ده ، و سواء عدوا لبر الأمان و إلي إمسك و خبط راسه في الحيط.
نبتدي القصة:
1- لازم تسأل عن الناس إلي ممكن يكونوا بيتجوزوا بالفلوس ، تسأل أصحابك ، في المجتمع المضمون إلي إنت تقدر تسأل فيه
2- لو لاقيت الشخصية إلي قبلت خد شوية النصايح ديه:
- إبعد عن فرق العمر الكبير ( بيجيب شك ).
- إبعد عن العالم السكيرة ، و بتوع الشوارع ، و بتوع الليل و أخره و بتوع القمار.
- حاول تاخد حد يكون عنده شغل ( فيه ناس عندهم شغل و حياة مستقرة ، بس فيه قرض لازم يسدده ، ديون و إلخ).
- يعني مش هقدر أقول إبعد عن إلي بيعول ( دول أكتر ناس بتتجوز بفلوس عشان مصاريف أولادهم)، بس لو قدرت حاول تاخد الفرداني أحسن.
بس أكتر حاجة مضمونة بالنسبالك إنه يتم دفع مقدم ، و تقسيم الباقي على دفعات لحين وصولك لبر الأمان.
( عشان كده ، لازم تسأل أشخاص مقربيين منك جداً)
4- لو إتعرف من أشخاص حولك إنك متجوز ورق، متضمنش هيقولوا لمين تاني ؟؟؟؟.
عشان كده المواضيع ديه بتم في سرية كاملة على قد ماتقدر.
5- حاول تاخد شخص من منطقة تبعد عن منطقة عملك و سكنك ( هقولك ليه بعدين ).
6- لازم التفاهم الكامل ، و ظبط مواعيد دفع الفلوس ، و التحكم الكامل في أعصابك.
سعادتكم لاقيتوا الشخص المطلوب ، إتفقتوا على المعلوم ، نظمتوا عملية التقسيط ( لو قدرت نظمها على مقدرتك و لو مقدرتش تعالى على نفسك لغاية لما تخلص).
هتكملوا الورق المطلوب للجواز مع ترجمة المطلوب ترجمته / و دفع الرسوم و الذي منه.
هتحددوا ميعاد الجواز ، لازم يكون فيه شاهدين على الأقل، تتم مراسم الجواز تمضي على الورقة و الطرف التاني و الشهود.
هتاخد نسخة من ورقة الجواز.
لغاية كده أول مرحلة عدت.
هتاخد الطرف التاني و معاكم كل الأوراق بتاعتك ( شهادة ميلاد، شهادة دراسية، جواز سفر أو تحقيق شخصية، شهادة الجواز، التأمين الصحي، أوراق الدخل في حالة العمل أو إمتلاك عمل) و تروحوا على المكتب المختص بمنح الإقامات ( ضروري جداً إن الطرف الأخر يكون معاك في اليوم ده ).
مش هوصيك ، قمة السعادة و التفاهم و الذي منه.
هتدخل على الموظف المختص ، واثق من نفسك ( حط في إعتبارك ، الموظف بيشوف الأفعال بتاعتكم)، تقدم الأوراق المطلوبة.
بعض الدول الإوروبية بتحدد ميعاد لعمل تحقيق صغير، بعد منحك فيزا مؤقتة لمدة 3 شهور ، بتسأل فيه كل شخص على إنفراد.
- بتكون الأسئلة ، عن الحالة الجنسية مابينكم ، علامات مميزة في جسم الأخر، أسماء الدلع ، أسماء العائلة للطرف الأخر ( أب ، إم ، أخ أو إخت ).
- لو عدى التحقيق ، يا إما بيعطوك حق الإقامة ( مختلفة من دولة لإخرى ) من سنة ، سنتين أو خمس سنين،
يا إما بيعطوك ميعاد لإستلام الإقامة .
- لو معداش التحقيق و فيه تناقض في الكلام مابينكم ، بيتم قفل الملف مع إعطائك فرصة لمغادرة البلاد ، و منع من الدخول سواء 5 سنين أو نهائي.
بعض الدول الإخرى بياخد منكم الأوراق و يقولو هنبقى نبعتلك ، طبعاً بعد منحك إقامة مؤقتة ، و ساعات ربنا بيسهلها و يتم منحك الإقامة فورا ( لو الموظف مجلهوش أي نوع من الشك ).
- الإقامة برضوه بتكون عبارة عن ( سنة ، سنتين أو خمسة سنين ).
- بيتم عمل تفتيش مفاجأة ، تلاقي البوليس طب على مكان الإقامة ، و بيدوروا في الغسيل و الصور و الملابس ، عشان كده لما يكون شغلك في منطقة تانية ، لما يحصل تفتيش مفاجأة كده يقدر الطرف التاني يتحجج إنك في الشغل بتيجي أخر الإسبوع ، أو يكون فيه فترة كافية إنك تقدر توصل للمكان.
- البوليس بيجي يعمل تفتيش ممكن مرة واحدة و ممكن كذا مرة ، يعني مش معنى إن أول تفتيش عدى مش هييجوا تاني ، تبقى غلطان.
بعض الدول بتدي الجنسية للمتزوجين ( ممكن بعد سنتين زاي فرنسا ، 3 سنين زاي ألمانيا ، خمس سنين و ممكن 10 سنين ) حسب قوانين الدولة إلي إنت موجود فيها.
في الولايات المتحدة يتم منح اقامة دائمة مؤقتة لسنتيين واجراء مقابلة ثانية قبل انتهاء فترة السنتيين للتأكد ان العلاقة مازالت مستمرة قبل الحصول على الاقامة الدائمة ومن ثم امكانية التقديم على الجنسية بعد سنة من ذلك
مش شرط تفضل متجوز مدة الخمس أو العشر سنين ، بس ساعات بيبقى الشرط إنك تكون حصلت على 2 تجديد للإقامة و أول لما تحصل على تجديد الإقامة من وظيفتك ، ساعتها تقدر تفسخ الجواز، ( يعني أول لما تحط رجلك على بر الأمان تقدر تفشكل الجوازة).
لما قلت إنك تدور على أشخاص يكون عندهم شغل ، بيكون أحسن لإنهم بيضمنوك في التأمين الصحي و المعيشة لغاية لما تلاقي شغل ( في حالة إن إقامتك لا تسمح بالعمل إلا بعد الزواج ) ، طبعاً سعادتك هتشيل كل المصاريف ديه من تحت الترابيزة.
هناك نوع اخر من الفيز وهو فيزا الخطيب للسفر الى دولة زوجتك بهدف الزواج ولكن عليكم ان تثبتا انكما تقابلتما وجها لوجه وبعض الدول مثل استراليا ونييوزيلاند تشترط ان تكون علاقتكم استمرت لعام واحد على الاقل قبل منح فيزا الخطيب/ الخطيبة (لاتوجد هذه الفيزا في كندا).
بالنسبة للذي يتزوج من اسباني فبعد مرور سنة واحدة من الحصول على اقامه الزواج يحق لك التقدم على الجنسية.
- فيه حاجة مهمة ، مش شرط إنكم إتفقتم على المعلوم ، بقيت أخر كلام ، لاء توقع فيه زيادة بتم كل شوية ، و متقدرش تقول لاء.
و برجع و أقول الكتمان ثم الكتمان ثم ضبط النفس
