تهتم بأخبار اللجوء على مستوى الإتحاد الإوروبي من ناحية,
1. أنواع اللجوء
2. طرق التقديم
3. حقيقة أوضاع طالبي اللجوء على مستوى الإتحاد
السبب في الليلة ديه ,
ناس كتير بتفكر في الهجرة برة مصر و الحتة بتاعت الربيع العربي ، و طبعا ياإما بيعيشوا إسود ( بدون ورق إقامة) لغاية لما يوفق أوضاعه، أو يجري و يقدم لجوء!!!.
طبعاً الفكرتين أنيل من بعض، بس لكل واحدة منهم سواء العيش إسود أو تقديم اللجوء محاسن و سيئات.
ده غير الوقوع في مراحل نصب ، بمعنى يجيلك واحد و يقولك تعالى أقدملك لجوء و يديك على قفاك و تدخل طاحونة إنت مش فاهم فيها أي حاجة، لا إنت عارف القانون الخاص بالدولة، حقوقك القانونية ، و إعتمادك الكامل على شخص متعرفش هيوديك لغاية فين؟؟.
ده غير إن دلوقتي أصبحت لكل دولة من دول الإتحاد تسعيرة فيزا خاصة، يعني سمسرة من كل الإتجاهات، فبدل ماتاخد على قفاك و تدفع فلوس و في الأخر تروح بلدك قفاك يقمر، هحاول أقولك على أحوال بلاد الإتحاد فيما يختص بالعيش إسود أو تقديم اللجوء، بس نصيحة متحاولش تكون فتك و مقطع السمكة!!!.
1. التدوينات تمت دائماً للواقع.
2. الروابط الرسمية المختصة بمواضيع اللجوء، خاصةً الروابط الرسمية و هحاول إنها تكون بالعربي و إذا فشلت أنا في كده فعليك بترجمة جوجل، هي خايبة شوية في بعض اللغات بس تفيد متخسرش.
3. المنظمات و المؤسسات الراعية للاجئيين.
4. النصايح الخاصة بكل بلد.
5. صور حقيقية سواء لمعسكرات طالبي اللجوء، أو أو ........
و كل الكلام إلي فوق هينطبق على كل دولة من دول الإتحاد الإوروبي، و ياريت تفكر قبل ماتقوم بأي خطوة!!!.
ملحوظة، إذا فيه أي حاجة مش مفهومة ، أو أو ....، الميل ( grakollo@gmail.com )